Lýsi leitar að vélavönum starfsmanni í viðhald

Leitum að drífandi og áreiðanlegri manneskju með fjölbreytta reynslu í viðhaldi véla til að sinna eftirliti og viðhaldi á búnaði í verksmiðjum Lýsis í Þorlákshöfn. Um er að ræða fjölbreytt og spennandi starf í góðu vinnuumhverfi.

Áhugasöm eru hvött til að sækja um hér á Alfreð. Farið verður með allar umsóknir sem trúnaðarmál. Öllum umsóknum svarað.

Lýsi leitar að vélavönum starfsmanni í pökkun

Um er að ræða starf í pökkun neytendavara þar sem keyrðar eru þrjár pökkunarlínur, flöskuáfylling fyrir fljótandi lýsi, töflu/hylkjaáfylling í glös og álþynnupökkun fyrir hylki og töflur. 

Sem starfsmaður í pökkun gegnir þú mikilvægu hlutverki í framleiðsluferli okkar. Þú ásamt pökkunarteyminu sérð til þess að vörum okkar sé pakkað rétt og samkvæmt gæðastöðlum.

Við bjóðum upp á jákvætt og vinalegt vinnuumhverfi þar sem samstarfsfólk er tilbúið að aðstoða.

Áhugasöm eru hvött til að sækja um hér á Alfreð.

Farið verður með allar umsóknir sem trúnaðarmál.

Almenn umsókn um starf hjá Lýsi

Viltu slást í hópinn? Sendu okkur almenna umsókn.

Vinnustaðurinn Lýsi

Hjá Lýsi starfar öflugur og fjölbreyttur hópur fólks. Er það markmið Lýsis að gera starfsfólk þátttakendur í velferð fyrirtækisins og skapa þannig sterka liðsheild sem vinnur að sama marki. Starfsemin byggir á samhentum og jákvæðum mannauði sem hefur gæði og þjónustu að leiðarljósi.

Þar sem mannauðurinn er ein verðmætasta auðlind Lýsis leggur Lýsi metnað í að taka vel á móti nýju starfsfólki og hlúa að menntun og þjálfun þess svo þau geti leyst störf sín af hendi með sóma og líði vel í starfi. Lýsi vill ráða og halda hæfu starfsfólki sem notar uppbyggileg samskipti á vinnustaðnum, þar sem jöfn laun og jafnrétti eru lögð til grundvallar.

Menning Lýsis einkennist af heiðarleika, jákvæðni, ábyrgð og virðingu.

Við hvetjum öll áhugasöm til að sækja um starf hjá Lýsi.

Vel útfyllt umsókn eykur möguleika á starfi.